Sërish sulm ndaj Policisë së Kosovës në veri

Të shtunën e 16 prillit, në veri të Kosovës, përkatësisht në Sharpej të Jarinjës, sërish kanë ndodhur sulme drejt Policisë së Kosovës.

Sipas njoftimit të policisë, kësaj radhe, bëhet fjalë për dy shpërthime që dyshohet të jenë nga mjete piroteknike.

No photo description available.

“Shpërthimet kanë ndodhur afër veturës së policisë e cila ishte në një pikë statike ku policia ishte e përqendruar në parandalim të kontrabandës në atë zonë. Nga shikimi i vendit të ngjarjes është vërejtur se në xhamin e veturës policore ka mbetur një copë letre (dyshohet mbështjellës i mjeteve piroteknike)”, thuhet në njoftimin e policisë.

Sipas njoftimit të tyre, ngjarja ka ndodhur në një pjesë që është afër territorit të Serbisë dhe dyshimi i bazuar është se këto mjete janë hedhur nga territori i Serbisë.

May be an image of outdoors

Kur ka ndodhur sulmi, Policia e Kosovës ka qenë duke monitoruar një rrugë ilegale të mbyllur kohë më parë, e cila përdorej për kontrabandë të mallrave.

Nga ky rast, nuk ka persona të lënduar as dëme materiale.

Përgjegjësit e sigurisë kanë theksuar se janë duke e trajtuar rastin, ndërsa aktivitetet operative do të vazhdojnë ofrimin e sigurisë dhe parandalimin e akteve kriminale transkufitare në zonën përkatëse.

Në mëngjesin e së premtes, përmes një konference të jashtëzakonshme, Ministri i Punëve të Brendshme Xhelal Sveçla bashkë me Drejtorin e Policisë, Samedin Mehmeti, kanë bërë të ditur se dy vetura të Policisë së Kosovës, të cilat po bartnin zyrtarë policorë për në pikat kufitare në veri, janë sulmuar me armë automatike dhe granatë dore.

Ky sulm, sipas Sveçlës, ishte sulm terrorist i orkestruar që kishte për shënjestër lëndimin e policëve.

Por, përveç këtyre sulmeve, ai bëri të ditur se brenda katër ditësh kanë ndodhur katër sulme që lidhen me njëra-tjetrën.

Sveçla theksoi se këto sulme vijnë si pasojë e luftës ndaj krimit, korrupsionit dhe kontrabandës që po e luftojnë bashkë me Policinë e Kosovës.

Ai tha se sulmi dyshohet të ketë ardhur nga territori i Serbisë.

Policia sulmohet me armë dhe granata, Sveçla e quan akt terrorist

Shija e redaktorit

Sa gjenerata duhet të kalojnë që të arrihet marrëveshja në...

“Duhet që dy gjenerata të kalojnë, një veç se ka kaluar”. Kështu kishte deklaruar ish i emëruari i Organizatës së Kombeve të Bashkuara(OKB) si Administrator...

Atletët veteranë të Kosovës të barabartë në garat e Kampionatit...

Atletët veteranë të Kosovës të enjten e 22 shtatorit kanë udhëtuar për në Selanik të Greqisë, në kuadër të Kampionatit të 31-të të Atletëve...

Trajneri i njohur spanjoll, Felipe Sanchez Llanes emërohet asistent i...

Ish selektori i Përfaqësuesës së Kinës në xhudo, Felipe Sanchez Llanes i është bashkuar stafit të trajnerëve të Përfaqësuesës së Kosovës. Me Federatën e Xhudos...

Më të lexuarat

Ibrahim Tatlises pas aksidentit këndon këngë popullore në spital

Këngëtari i njohur turk, Ibrahim Tatlises, i cili mbeti i bllokuar në automjet si pasojë e një aksidenti trafiku në Bodrum Yalikavak në Turqi,...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Të fundit nga rubrika