Abraham për Dukagjinin: Vizat për Kosovën po mohohen padrejtësisht

Deputeti gjerman, Knut Abraham, ka folur për RTV Dukagjinin ku ka thënë se Gjermania është përkrahëse e Kosovës në anëtarësimin e saj në KE dhe se liberalizimi i vizave është e drejtë që po i'u mohohet qytetarëve të Kosovës. Ai më skeptik ka qenë për anëtarësimin e Kosovës në NATO, për çka ka thënë se duhet ende punë

Ka vjet që Kosova ka plotësuar të gjitha kriteret për liberalizim të vizave.

Madje, ka qenë edhe vet Komisioni Evropian, që i ka rekomanduar Këshillit të Ministrave të BE-së, që kosovarëve t’u largohen pengesat në lëvizje të lirë.

Por, pavarësisht kësaj Kosova mbetet i vetmi vend në Evropë që nuk e gëzon një të drejtë të tillë.

Ndërkohë, së fundmi janë shtuar zëra përkrahës në vendet e fuqishme të BE-së.

Është Gjermania që Kosovës i doli në krah edhe sa i përket liberalizimti të vizave, por edhe aplikimit për Këshill të Evropës ku përkrahja për Kosovën nga Gjermania çdo ditë e më shumë po fuqizohet.

Mbështetjen gjermane e ka konfirmuar edhe një debutet i Bundestagut.

Bëhet fjalë për deputetin e CDU-së Knut Abraham, i cili në një intervistë ekskluzive për RTV Dukagjini, ka thënë se anëtarësimi Kosova e meriton liberalizimin e vizave.

“Liberalizimi i vizave është diçka që Kosova e meriton tashmë dhe patjetër duhet që regjimi i vizave të hiqet për qytetarët atje. Unë kam biseduar edhe ministren Gërvalla ia kam shprehur qëndrimin tim dhe mendoj që pas verës dhe zgjedhjeve në Francë, është një moment i mirë që procesi i vizave të përfundoj. Qytetarët e Kosovës e meritojnë këtë. Unë vërtetë nuk e kuptojë hezitimin e disa shteteve anëtarë për të votuar kundër Kosovës”, Ka thënë deputeti i CDU-së, Knut Abraham.

Abraham, ka folur edhe për aplikimin e Kosovës për t’u bërë anëtarë i Këshillit të Evropës i cili ka një këshillë për qeverinë e Kosovës.

“Koha e aplikimit të Kosovës në Këshill është mjaftë e rëndësishme. Edhe nëse Kosova nuk arrin që të hy të premten në agjendën e Ministrave në KE, nuk do të thotë që ka përfunduar gjithçka. Përkundrazi, miqtë e Kosovës dhe Qeveria e Kosovës duhet të përdorin këtë kohë, për të lobuar tek shtet anëtarëve dhe për të promovua edhe më shumë idenë e Kosovës. Në maj të vitit 2023 aplikimi i Kosovës patjetër do të jetë pjesë e Këshillit”, shtoi Abraham.

Por, pak më skeptik deputeti i CDU parti që dikur udhëhiqte me qeverinë gjermane, është për anëtarësimin e Kosovës në NATO, për çka thotë se duhet ende shumë punë që Aleanca Veri Atlantike të pranojë Kosovën.

Shija e redaktorit

Këngët për nder të gjeniut Andy Warhol

Data e  6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Skender Beck, shqiptari nga Amerika na dërgon tinguj të Rock’n...

Shtetet e Bashkuara të Amerikës, vendi ku dolën shumë artistë të mëdhenjë si Bob Dylan, Jim Morrison, Jimi Hendrix, dhe shumë të tjerë, nga...

Më të lexuarat

Kroaci: 11 të vdekur nga aksidenti i autobusit

Të paktën 11 persona kanë vdekur si pasojë e një aksidenti të rëndë në autostradën A4 Zagreb-Goriçan, mëngjesin e së shtunës. Sipas informacioneve jozyrtare janë...

Aksidenti tragjik në Podujevë, arrestohet shoferi i autobusit

Është arrestuar shoferi i autobusit në të cilin është aksidentuar një veturë me targa të huaja, ku të vdekur mbetën dy persona dhe u...

SBAShK-u pajtohet, vlerësimi i mësimdhënësve pritet të bëhet nga drejtorët...

Cilësia në arsim mbetet një nga temat më të diskutueshme të çdo qeverie të re, edhe kur ato ndërrohen problemet mbesin të njëjta. Një nga...

Të fundit nga rubrika